K. Nordang lågast på ny ferjekai i Volda
Statens vegvesen har mottatt fem tilbod for bygging av ny ferjekai i Volda, og K. Nordang er lågast.
Denne artikkelen er over fem år gammel.
Entreprenørar som har levert tilbod:
- A. Våge AS: 86.615.911,00
- HAK Entreprenør AS: 93.247.070,00
- K A Aurstad AS: 83.140.317,84
- K. Nordang AS: 70.784.920,00
- Secora AS: 92.847.878,00
- No skal vi evaluere tilboda og reknar med å inngå kontrakt innan midten av april, fortel prosjektleiar Olav Megrund i ei melding.
Dagens ferjekai er i dårleg stand og må erstattast med ei ny. Frå 1. januar 2020 skal det settast inn elektrisk ferje på sambandet.
Kontrakten inneber bygging av ny og større ferjekai, med moglegheit til liggekai på utsida av kaia. Den nye ferjekaia får ei lengde på 108 meter og skal byggast omtrent fem meter frå landkaret på den gamle kaia.
Det skal også byggast ny gang- og sykkelveg langs sjøen der kaia går i dag. I tillegg skal det byggast nytt venterom med toalett, og det skal opparbeidast nytt grøntareal bak den gamle kaia. Det skal også gjerast arbeid mot E39 Sjøgata for å hindre undergraving av vegen.
Rederiet som skal drifte sambandet har ansvar for å bygge infrastruktur for lading og fortøying til den elektriske ferja.
