Opnar nytt kryss i Randaberg
Fylkesvaraordførar Marianne Chesak opnar det nye krysset mellom fylkesveg 474 Goaveien og fylkesveg 476 Kyrkjeveien tysdag 21. august.
Denne artikkelen er over fem år gammel.
Statens vegvesen og Rogaland fylkeskommune har gleda av å invitere til opninga av det nye krysset i Randaberg tysdag klokka 11:00.
- Nå er det mogleg å krysse Goaveien og Kyrkjeveien på ein sikker måte for både bilar og mjuke trafikantar, seier prosjektleiar Dirk Rauch i Statens vegvesen.
Rygg maskin fekk kontrakten til 23 millionar kroner våren 2017. Dette er litt av det som er gjort:
- To undergangar. Ein under fylkesveg 474 Goaveien, den andre under Kyrkjeveien
- Ny rundkøyring
- Fleire avkøyrsler er fjerna
- To busslommer
- Har bygd 180 meter med støyskjerm
- Flytting av kablar, omlegging og nye vatn- og avløpsleidningar for kommunen
- Det mest utfordrande har vore høgspentkablar, sprenging langs Kyrkjeveien og trafikkavviklinga. Samarbeidet og dialogen med entreprenøren har vore godt, fortel prosjektleiaren.
