– Fylkestinget vedtok i oktober 2022 å sjå på eit alternativ med fjellsikring, men vil òg vurdere eit tunnelalternativ som grunnlag for eit konseptval og vidare planlegging. Vi tek sikte på ei politisk avklaring på konseptval vinter 2023-2024, seier fylkesvegsjef i Møre og Romsdal fylkeskommune, Ole Jan Tønnesen, i meldinga.
Startar forprosjekt for rassikring i Trollstigen – vurderer tunnelalternativ
Fylkesvegavdelinga i Møre og Romsdal fylkeskommune skal gjennomføre eit forprosjekt for vidare utgreiing av alternative løysingar for sikring av strekninga frå Huldrebrua - Stigfossbrua i Trollstigen.
Denne artikkelen er over ett år gammel.
– Det er godt kjend at strekninga er utsett for steinsprang og skred. Prosjektet knytt til rassikring har gått føre seg i fleire år, heilt sidan Statens vegvesen hadde forvaltningsansvaret for fylkesvegane. Deira anbefalingar var i 2019 at ein burde sjå på to ulike alternativ; fjellsikringsalternativet og eit tunnelalternativ, skriv Møre og Romsdal fylkeskommune i ei pressemelding.
– Fylkestinget vedtok i oktober 2022 å sjå på eit alternativ med fjellsikring, men vil òg vurdere eit tunnelalternativ som grunnlag for eit konseptval og vidare planlegging. Vi tek sikte på ei politisk avklaring på konseptval vinter 2023-2024, seier fylkesvegsjef i Møre og Romsdal fylkeskommune, Ole Jan Tønnesen, i meldinga.
Fylkeskommunen skriv vidare at i den seinare planfasen vil fylkesvegavdelinga arbeide målretta for å unngå unødige ulemper for trafikkavviklinga under anleggsperioden, men det er ikkje til å unngå at begge alternativa vil kunne medføre stenging i deler av sesongen over fleire år.
Om alternativa:
Alternativ A: Fjellsikringsalternativet:
Fjellsikringsalternativet baserer seg på reinsk og sikring av fjellet med boltar, nett, fanggjerde med meir. Arbeidet kan bli gjennomført mellom anna ved bruk av taugåande personell.
Alternativ B: Tunnelalternativet:
Tunnelalternativet er ein T13-tunnel (13 meter brei) med plass til to køyrefelt og gangveg som strekkjer seg frå Fiva-svingen og opp til Stigfossbrua. Tunnelen vil føre trafikantar vekk frå det partiet med høgast risiko for steinnedfall og skred.
